VOV4.Jarai-Hăng tơlơi juăt pơmin ‘’djop mơta mơnong hơmâo yang soh’’, r^m kơ ia krông, ia ania, ]roh hnoh, phun ro\k to\k lêng kơ hơmâo anih yang do\ soh, git gai wai lăng, anun yơh mơnuih [on sang djuai ania Mnông djă pioh na nao pơgang ba hăng pơkă tơlơi phiăn kơ bruă wai pơgang ayuh hyiăng lo\n glai adai rơhuông, tơlơi hơdip mơda jum dar.

Tui hăng tơlơi pơhiăp mơng [ing tha plơi, khua [ôn tha rơma, thâo hluh kơ tơlơi phiăn đưm djuai ania, tơlơi thâo hluh kơ bruă wai pơgang lo\n glai adai rơhuông mơng mơnuih [on sang djuai ania Mnông [uh rơđah amăng bruă mă ngă yang rơbang kah hăng ngă hmua, iâu yang hri, hlâo kơ jah hmua ngă yang iâu bơngăt atâo amăng glai klô [ơ\i hlâo..

Đưm đă ră hlâo adih, bruă ]ông jơnah jah glai, ako\ pơjing atông sang đang hmua lêng kơ tha plơi soh pơphô brơi, mơnuih hing ang arăng pơpu\ pô git gai. Glai nao jah drôm [u djơ\ lăi glai hlao ia, glai kmrong tha, glai hơmâo kyâo pơtâo yơyôm ôh laih anun hlơi pô ngă soh glăi hă yang amra ngă, ba truh ia ling dăo hăng adai không phang kơsing pah prong.

Lơ\m ]uh jơnah ngă hmua, mơnuih [on sang thâo biă, khom pơgang tong ten anăm brơi apui [ong rôk pơ iao gah đang hmua, glai klô ôh; khom du` rơmet set abih than kyâo krô, ro\k djai, pơjing glông, jơlan huăi apui [ong rôk hyu, lơ\m ]uh jơnah amăng hmua ta, yua hu\i kơ apui glai, kơ` yang bơtơhmal ta, ană plơi pla ăt phat kơđi kơ ta mơn.

Yua kơ anun, tơlơi phiăn đưm, mơnuih djuai ania Mnông do\ djă pioh đô] tơlơi pơkă yap tơlơi soh ngă rai apui [ong glai kah hăng: Apui [ong rơnưh atông arăng, sang ano\, apui [ong le\, abih plơi mơtam rơngôt.

Mơnuih [on sang djuai ania Mnông ngă yang hmua 

Glai apui [ong aka truh bơyan ]uh tơnuh abih plơi mơn hning; apui [ong glai [u anăm hơprah, pô ngă rai apui [ong glai anun, amra [u hơmâo lo\n ngă hmua, lo\n pla sang, đang kyâo dong tah, tơdah pơdong atông rơnưh anăm koh ôh kyâo pơtâo.

Ăt tui anun mơn, bruă pơgang ako\ hlao ia, mơnuih djuai ania Mnông gleng nao biă mă. Mơnuih [on sang do\ pơmin, djop pin ia, ako\ ia lêng kơ hơmâo pô yang soh wai lăng, tơdah ngă hơ[ak jrak ako\ hlao ia, yang amra bơtơhmal, ba truh klin kheng, tơlơi dju djuăm duăm ruă abih plơi.

Hloh kơ anun dong, ia krông, ia ania ]roh hnoh jing anih ba ia kơ abih bang mơnuih yua, anun hlao ia, pin ia, ako\ ia ]ă khom pơgang hơdjă rơgoh đô], ia jơngeh, ia hơdjă pioh mơ`um. Ră anai, sit truh ako\ thun phrâo, bơyan phang, tơdah gêh gal ană plơi pla ăt pơphun ngă yang pin ia, blơi mơnu\ bui, gơnam tam huă [ong ngui ngor ngă yang pin ia, ala plơi, rơkâo kiăng yang atâo ơi yă djru kơ ană plơi pla rơnuk ngă sang rơnang ngă hmua, ia hơjan djop bruih kơ hmua pơdai, phun kyâo pơtâo, boh troh bơnga lu, boh jor.

Ha bơnah dong, ia le\, dram gơnam mơng ayuh hyiăng lo\n glai yôm pơphăn biă mă, amăng ia hơmâo akan hơdang, abao kuk, apu\i areng do\ hơdip, djru brơi mơnong [ong huă kơ ană mơnuih, anun sit hyu krâo, yâo mă akan hơdang khom thâo djă pioh, ngă tui hơdră tơlơi phiăn pha ra hiam klă biă mă.

Hăng tơlơi pơmin thâo wai pơgang ayuh hyiăng glai klô laih anun hyu mă mơnong mơnoă hơdip amăng glai, amăng ia thâo pơkrem, lăng pioh, mă akan hăng suai, re\, hăng grang yâo, krâo jrao măt jăng jai, [u djơ\ lăi djai đut djuai ôh akan hơdang amăng ia.

Tơlơi thâo hluh anun, wai pơgang phun kơ tơlơi hơdip mơda amăng ia krông, amăng glai klô, hơmâo laih tơlơi phiăn pơtô glăi kah hăng: Mă aj^ khom lui ania, mă kroa khom lui boh; koh kyâo ale khom lui rơbung por, ]uh mă hni khom pioh glăi ania dơlin…

Yua kơ tơlơi hơdip mơda je\ giăm, hrom hơbit amăng glai klô, ia krông, ia ania ]roh hnoh anun yơh djuai ania Mnông thâo pơkra bruă mă akan hơdang hăng jrao phun kyâo, so# kơđuh akha kyâo krâo akan. Tui anun mơnuih [on sang hyu amăng glai ru\ mă kơđuh akha tơnung, hmôk kyâo ting, phun djre, pe\ boh jơmang so# amăng ia brơi akan măt, akan djai du` mă samơ\ huăi đut djuai akan ôh.

Ia rô đuăi dơ\ pă, ia tơba h^ jrao dơ\ anun, akan hơdip glăi dong. Lơ\m so# jrao tuh trun amăng ia, ngă akan măt le\, arăng hyu du` mă yơh akan.

Samơ\, bruă krâo akan tui anun, tơdah krâo hăng jrao kơtang đơi tơl djai wơ\t akan prong akan anet hu\i đut djuai, tơlơi phiăn Mnông ăt pơkă mơn, [u brơi krâo rơgao đơi ôh, hlơi ngă soh glăi đu\ tui tơlơi phiăn pơtrun laih.

Hrom hăng anun, bruă pơgang djuai hlô mơnong hin, yôm kah hăng rơman rơmah djruah rơsa ăt kơđiăng khut khăt mơn. Hăng mơnuih [on sang Mnông, rơman [u djơ\ lăi dram gơnam yôm ôh, jing gơyut ană mơnuih amăng sang ano\.

Yua kơ anun, mơnuih [on sang guăi rơman pioh phiăng brơi [lum jing gơyut kơ mơnuih, djru bruă pơdu\ pơgiăng pơdai kơtor, đ^ hyu đom bua lua pơnah [udah hơdui đoh kyâo tơmeh sang đô], samơ\ ăt ngă yang tring, ]em rông klă hiam đô], kơđiăng hu\i rơman djơ\ klin, duăm ruă, huăi djai. Tơdah [u bưng ôh, rơman djai h^ [u thâo phun tơdu\ hu\i biă mă yang ngă sat kơ plơi pla.

Hăng pô rông rơman ăt kah hăng pô pơđăo, pơhrăm rơman mơn, khom ngă tui lu tơlơi pơkă, tơlơi kom kah hăng: {u dưi [ong mơnong rơman ôh, [u dưi mă yua gơnam pơhrôp hăng bla rơman, kl^ rơman; [u [ong hra ]uh hơbâo ro\k hlang, phun pơtơi; [u nao pơ sang arăng phrâo tơkeng [udah sang ano\ phrâo hơmâo mơnuih rơngiă amăng sa thun.

Tơdah [u ngă tui djơ\, rơman amra pơ-ai, rơman hơmiah glăi, hưt ngă sat kơ mơnuih laih anun tơdah [u tring rơman hmao kru le\, roman amra djai [udah  ngă sat glăi kơ pô `u.

R^m wơ\t rơman pơ-ai pô rơman khom tring, ngă yang kơ rơman kiăng rơman huăi pơ-ai. Rơman pơgiăng kơtra#o, tơl rơmo\n, pô rơman khom rơkâo tơlơi pap ngă yang tring rơman. Pô rơman khom ngă yang pơdo\ rơkơi bơnai kơ rơman `u. Sit rơman djai, khom pơyua atâo, ngă pơsat kah hăng mơnuih mơn.

Ta [uh rơđah, tơlơi thâo hluh pơgang ayuh hyiăng glai klô hlô mơnong anun ră anai, mơnuih [on sang djuai ania Mnông ăt do\ djă pioh, ngă tui lu tơlơi ngă yang đưm hiam klă, kah hăng ngă yang pin ia kiăng pơgang ayuh hyiăng, pơtô ană tơ]ô thâo hluh kơ tơlơi anun.

Bruă ngă yang hri, ngă yang glai klô, ngă yang krâo akan…Dong mơng anun kiăng pơtô glăi tơlơi phiăn juăt mơng đưm ơi yă pioh glăi, kiăng djop pô djă pioh, pơgang ayuh hyiăng glai klô tơlơi hơdip mơda jum dar, iao gah [ing ta hiam mơak hloh.

          Nay Jek: Pô ]ih hăng pôr