VOV4.Jarai - Lạc Dương le\ tơring glông kual ]ư\ siăng mơng tơring ]ar Lâm Đồng, hmâo lu mơnuih djuai ania [ia\ do# hơd^p mơda.

Gơnang kơ pơplih amăng tơlơi pơmin, bruă mă, lu neh wa tơtlaih laih mơng [un rin hăng hrưn đ^ ngă pơdrong.

Pơh`ap do# trơ\i than bơnga kiăng kơ hmao ba nao pơ\ [ôn prong Hồ Chí Minh s^, ơi Kra Jan Blim, do# [ơi {on Đơng 1, tơring kual Lạc Dương, tơring glông Lạc Dương brơi thâo, mơng tơlơi hrăm hră ană bă, prăk mă yua rim hrơi amăng sang ano# truh kơ sang do# klă hiam, drưp drap kah hăng hrơi anai leng kơ gơnang kơ đang bơnga hồng anai.

Hlâo adih, abih bang lo\n 3 ar pơkra sang gôm mơnil pla bơnga hồng le\ hmua pơdai 1 bơyan, prăk pơhrui glăi [u hơđong anun tơlơi rơmon rơpa ăt do# kiăo tui na nao [u thâo tlaih.

Mơng hrơi pơplih pla bơnga amăng sang gôm mơnil, tơlơi bơwih [ong sang ano# ơi Kra Jan Blim jai hrơi pơdrong đ^, hăng rơnoh kơmlai yu\ ngo\ kơ 300 klăk prăk amăng sa thun:

“Đưm ngă hmua pơdai ăt kơnong kơ djop [ong huă mơn, laih anun pla kơ phê noa trun ngă [u djop, pơ plih pla phun kơbuă [u hơđong.

Tơdơi anai ]an prăk Kơnuk kơna ngă pra bơnga hồng, sang ano# hơđong hloh, tơlơi hơd^p mơda dưi pơđ^ tui hloh”.

Ơi Kra Jan Blim (gah iao) glăk trơ\i than bơnga hồng hmao jao kơ mơnuih blơi

Tui hăng anun, mơng hrơi pơpơlih hơdai nao pla bơmao drăng, rim blan, sang ano# amai }il K’Pam ([ơi plơi Đa Ra Hoa, să Đa Nhim) ăt pơhrui glăi hmâo mơn rơbêh kơ 10 klăk prăk.

Amai K’ Pam brơi thâo, mơng sa bôh sang pla bơmao blung a truh ră anai sang ano# hmâo pơdo\ng dong 3 bôh sang pioh pla bơmao samơ\ ăt [u djop pioh s^ mơn.

“Mơng hrơi pơkra pla bơmao truh ră anai sang ano# hmâo tơlơi pơplih rơđah đông. Bơhmu hăng bruă nao mă bruă [ơi sang bruă, nao ngă kơ phê le\, pla bơmao hmâo wa\n hloh, prăk pơhrui glăi lu hloh mơn.

Mơng anun sang ano# kâo ăt hơđong hloh mơn, bruă mă pơplih na nao hăng hmâo bruă mă na nao”.

Mơng sa anih anom hăng phun pla ba jơlan hlâo le\ pơdai hăng kơ phê. Truh ră anai đơ đam tơring glông kual ]ư\ kơdư Lạc Dương hmâo giăm truh 780 ektar đang hmua mă yua bôh thâo phrâo, prăk pơhrui glăi hơnong `u [ơi sa kual lo\n hmâo 225 klăk prăk rim ektar.

Amăng anun, lo\n pla a`ăm amăng sang gôm mơnil hmâo mơng 500 truh 800 klăk prăk rim ektar amăng sa thun.

Lo\n pla bơnga hmâo mơng 800 klăk prăk truh kơ 1 klai prăk. Pha ra le\ hmâo kual lo\n pla bơnga ly ly hmâo truh rơbêh kơ 2 klai prăk lom sa ektar amăng sa thun.

Phrâo anai Khoa dêh ]ar ta hmâo pơsit kual ngă đang hmua mă yu bôh thâo phrâo [ơi să Dă Sar, hăng abih bang kual lo\n rơbêh kơ 220 ektar, pơjing dong tơlơi gal pioh tơring glông Lạc Dương pok pơhai hơdôm hơdră bruă djru brơi ]an prăk, brơi yua lo\n [u apah prăk kiăng pơsur anom bơwih [ong tuh pơ plai ngă đang hmua hơdjă pơke\ hăng pơkra pơjing gơnam tam [ơi anai.

Ơi Lê Quang Minh, Kơ-iăng Khoa Jơnum min m[s tơring glông Lạc Dương brơi thâo, amăng rơnoh đ^ kyar hrom, neh wa djuai ania [ia\ amăng tơring glông ăt hmâo yak anăp nao prong gah bôh thâo ngă đang hmua, phun `u lui lơi laih phiăn ngă đang hmua tui hơdră sô hơđăp, ngă juăt hăng phun pla sui thun, phun a`ăm hla rok, phun jrao.

Amăng đơ đam tơring glông, sang ano# [un rin kual neh wa djuai ania [ia\ kơnong kơ do# 46 bôh sang ano#.

Tui hăng ơi Lê Quang Minh, tơring glông glăk pơtrut kơtang pơtô bôh thâo hơdră phrâo amăng bruă đang hmua kiăng djru neh wa ngă tui hơdôm ano# gal pioh pơđ^ tui tơlơi hơd^p mơda:

“Anai le\ kual lo\n hmâo ayuh hyiăng gêh gal kơ bruă bơwih [ong huă, ngă đang hmua tui hơdră phrâo.

Hăng phun kơ phê le\ phun ba jơlan hlâo samơ\ hrom hrom hăng anun tơring glông amra ba tơbiă jơlan pơsir rơđah kiăng djru neh wa pơplih hơdră phun pla tui jơlan gah đang hmua mă yua bôh thâo phrâo hăng bôh thâo kiăng pơđ^ prăk pơhrui glăi mơng bruă bơwih [ong huă”.

Hăng ano# gal gah ayuh hyiăng lo\n mơnai, tuai hyu ]uă ngui bôh thâo hmâo râo pơdưh, ră anai ngă tui bôh thâo phrâo, tơring glông Lạc Dương glăk hmâo hơdôm tơlơi gal pioh hrưn đ^.

Hro\ trun [un rin [ơi anai [u jing tơnap dong tah. Neh wa djop djuai ania [ơi anai glăk do\ng [ơi anăp lu tơlơi gal ngă pơdrong./.

Siu H’ Prăk: Pô ]ih pơblang hăng pôr