Ƀơi tơring čar Gia Lai, amăng hrơi blan laih rơgao, ayuh hyiăng pơplih na nao amăng hơdôm hrơi laih rơgao ngă kơ lu čơđai arăng ba nao pơjrao pơ sang ia jrao yua kơ ƀuh lu čơđai ƀă hơdôm tơlơi ruă bơdjơ̆ nao jơlan suă jua. Giăm anai, Sang ia jrao pơjrao brơi ƀing čơđai tơring čar Gia Lai tŭ mă mơng 300-400 čô čơđai nao khăm amăng ha hrơi, bơdjơ̆ nao hơdôm tơlơi ruă amăng jơlan suă jua. Mơng akŏ thun truh ră anai hơmâo laih giăm 1.000 čô čơđai nao nao pơ sang ia jrao yua ƀă tơlơi ruă bơdjơ̆ nao jơlan suă jua hơmâo, ruă kơsŏ, ruă amăng hơtai boh…đĭ kơtang pơhmu tui tơđar thun 2022.

Tui Thạc sỹ, ơi ia jrao Từ Thị Mai Linh - Kơ-iăng Khua sang ia jrao pơjrao brơi čơđai tơring čar Gia Lai, lu čơđai yua amĭ ama ƀu rang kơđiăng lơ̆m ba nao pơ sang ia jrao ƀuh ruă kơsŏ kơtang, duam pơ-iă, drơi jăn kơañăk…Sang ia jrao pơhŭi hlâo hơdôm boh sang anŏ kiăng đing nao pơgang tơlơi ruă tui jơlan suă jua hăng amăng hlung pruăi brơi ƀing čơđai lơ̆m ayuh hyiăng pơplih tui ră anai. Laih dong, kiăng tañ ƀuh lơ̆m ƀă tơlơi ruă kah mơng ba nao pơ sang ia jrao hmao tlôn.