Hlâo anun, lơ 18/4, ƀơi sang hră anai hơmâo ƀuh 8 čô čơđai ƀă klin Sars-Cov-2. Tui anun, gơnong bruă ia jrao Buôn Ma Thuột hơmâo pơčrang lăng tañ brơi 49 čô čơđai jê̆ giăm hăng ƀing ƀă klin. Tui lăi pơthâo, hơmâo dong 7 čô čơđai ƀă virus Sars-Cov-2, ƀing ƀă klin anai lêng ƀing čơđai hrăm anih 8D hrŏm hăng ƀing mơnuih ƀă klin hlâo anun. Ră anai 8 čô čơđai ƀă klin Covid-19 lêng kơ suaih pral, ƀing gơñu arăng brơi pơjrao mă pơ sang hăng hơmâo ƀing nai ia jrao kiăo tui lăng rĭm hrơi.

Truh yang hrơi lơ 19/4 abih tih mrô mơnuih ƀă klin Covid-10 ƀơi tơring čar Dak Lak lĕ 22 čô, kơnong ƀơi plơi prong Buôn Ma Thuột hơmâo 17 čô, amăng anun hơmâo 15 čô ƀơi sang hră gưl dua Trưng Vương. Ơi ia jrao Nguyên Văn Lý, Kơ-iăng khua anom bruă ia jrao plơi prong Buôn Ma Thuột brơi thâo, ƀơi anăp kơ tơlơi tơnap tap mơng klin Covid-19 lơ̆m mrô mơnuih ƀă klin glăk lu tui hơdôm hrơi laih rơgao, gơnong bruă ia jrao plơi prong hơmâo pơphô bruă brơi Jơnum min mơnuih ƀon sang plơi prong prap lui hơdră pơgang klin Covid-19.