VOv4.Jarai-Lơ 12/8, tui hăng tơlơi lăi pơthâo mơ̆ng Anom bruă sem lăng tơlơi duam ruă tơring čar CDC Dak Lak hơmâo dơ̆ng 2 čô mơnuih djai yua duam đung drah. Anai lĕ, mơnuih djai tal 4 hăng tal 5 yua kơ duam đung drah amăng tơring čar. Mơnuih duam đung drah phrâo djai anun ƀơi tơring kual Êa Drăng, tơring glông Ea Hleo, Dak Lak.

Mơnuih duam đung drah dŏ pơjrao ƀơi sang ia jrao prong kual Dap Kơdư

Hlâo kơ anun, lơ 10/8, Dak Lak hơmâo mơnuih djai yua duam đung drah, dŏ pơ ƀut plơi mrô 4, phường Tân An, plơi prong Ƀuôn Ma Thuôt, Dak Lak. Rơngiao kơ 5 čô djai, yap truh lơ 12/8, amăng tơring čar Dak Lak hơmâo truh 3.200 čô mơnuih ƀă klin duam đung drah ƀơi 15 boh tơring glông, plơi prong, lu hloh rơbêh 5 wơ̆t pơkă hăng tal anai mơ̆n thun hlâo.

Nay Jek: Pơblang