Ƀing ƀă kman anai hơmâo čih pioh ƀơi să Ea Sup, phường Ƀuôn Hồ hăng phường Tuy Hòa. Mơnuih djai yua tơlơi ruă anai lĕ ơi L.B.H 57 thun, dŏ ƀơi phường Tuy Hòa. Whitmore lĕ tơlơi ruă ƀă kman yua virus dŏ amăng lơ̆n hăng amăng ia, mut amăng drơi jăn mơnuih, kiăo tui jơlan nam rơka, tơhnal tơhlŏt ƀơi klĭ kliăng, čơđeh asar. Tơlơi ruă amra kraih, biă mă ñu hăng ƀing hơmâo tơlơi ruă mơ̆ng hlâo.

Ră anai, aka ƀu hơmâo ia jrao vaccine pơhlom hlâo ôh. Anom bruă ia jrao pơtă pơtăn mơnuih ƀôn sang khom hơtŭk riă tơnă hơbai tơsă kah ƀong, ia mơñum hnun mơ̆n khom hơtŭk hlâo; anăm ƀong ôh añăm mơnong hlô pơ-ai, djai klin pioh pơkra ming mơnong ƀong huă. Sit trun amăng ia hlŭ, lơ̆n dơlut, juă djơ̆ ia plang, ia hơjan rô, khom pơgang tơkai, tơngan, čut tơkhô̆ kơsu hrôm tơkai, mă bruă hăng anŏ hrôm plă tơngan tơdah djă čơpăt gơnam hlŭ laih anun kơđiăng pơgang tong ten nam rơka, anăm brơi kman mut nao.