Truh ră anai, tơring hơmâo pơkă brơi kơ rơbêh 2,5 klăk čô mơnuih, hơmâo rơbêh 82% mrô mơnuih. Tơring čar Dak Lăk pok pơhai bruă pơkă brơi tơlơi suaih pral, pơčrang lăng ĕp ƀuh tơlơi duam ruă đôč, huăi rơngiă prăk hơget ôh, hơmâo ngă tui mơ̆ng blan 6/2026. Tơring čar brơi nao năng ai 400 klai prăk, mơ̆ng mrô prăk pơhrui lu hloh kơ hơnong pơkă, laih anun prăk pioh či mă yua amăng tơring čar thun 2025 dŏ rơbêh, kah pơpha kơ hơdôm boh tơring pơphun ngă, prăk pioh pơkă tơlơi suaih pral kơ rim čô mơnuih lĕ 350.000 prăk.

Ơi Phạm Minh Hữu, Kơ-iăng khua gơnong bruă ia jrao Dak Lăk brơi thâo, tơdơi kơ Hră pơtrun mrô 72 hơmâo pơtrun, ngă tui tơlơi git gai mơ̆ng Ping gah, Gơnong bruă prăp rơmet bruă pơkă tơlơi suaih pral rim tơđar kơ mơnuih ƀon sang. Tui hăng ơi Phạm Minh Hữu, him lăng, bruă anai pơđut hĭ amăng ha mơkrah blan 12 thun anai./.