Khul blơi mă pô hră pơhlom nua ia jrao lĕ:

- Mơnuih amăng khul sang anŏ blơi hră pơhlom nua ia jrao kiăo tui akŏ sang;

- Mơnuih hơdip mơda hăng mă bruă, mơnuih hơmâo čem rông amăng hơdôm khul grup, anih djru mơnuih tơnap tap, tơlơi đăo;

- Mơnuih mă bruă amăng hrơi mông pơdơi bruă ƀu hơmâo prăk blan ƀudah pơdơi jăng jai hră kĭ pơkôl mă bruă;

- Mơnuih ƀu hơmâo amăng hơdôm tơlơi hơmâo pơkă phrâo lăi nao.

- Amăng anun, sang anŏ blơi hră pơhlom nua ia jrao jing mơnuih hơmâo hrŏm anih dŏ, ƀudah ngă hră anih dŏ jăng jai hrŏm ha anih, tui tơlơi phiăn plơi pla anih dŏ.

- Rơnoh prăk blơi hră pơhlom nua ia jrao kơ mơnuih amăng ha boh sang tui hăng anai: mơnuih blung a blơi hăng nua 4,5% rơnoh prăk blan đoi đŏm; mơnuih tal dua, tal klâo, tal pă blơi hăng rơnoh prăk 70%, 60%, 50% mrô prăk blơi mơ̆ng pô năng blung; mơ̆ng mơnuih tal rơma truh kơ tơdơi dong blơi hăng rơnoh 40% prăk blơi mơ̆ng pô blơi hnăng blung.

- Biă ñu sang anŏ giăm či ƀun rin hơmâo djru 100% rơnoh blơi hră pơhlom nua ia jrao, amăng anun: prăk mơ̆ng Kơnuk kơna djru 70%, prăk mơ̆ng tơring čar Dak Lăk djru 30%;

- Sang anŏ ngă hmua, mă akan hơdang, pơkra hra, bơwih ƀong čom ƀong đôč, jing hơmâo djru ba 60%, amăng anun: prăk mơ̆ng Kơnuk kơna djru 30%, prăk mơ̆ng tơring čar Dak Lăk djru 30%.

- Mơnuih djuai ania ƀiă glăk hơdip pơ hơdôm boh să hơmâo pơtŏng sit ƀu djơ̆ plơi pla bơwih ƀong huă - mơnuih mơnam tơnap tap kơtang dong tah tui hăng tơlơi pơkă mơ̆ng Kơnuk kơna, hơmâo djru 85%, amăng anun: prăk mơ̆ng Kơnuk kơna ta djru 70%, prăk mơ̆ng tơring čar Dak Lăk djru 15% (thun blan djru pơkă 36 blan, dong mơ̆ng hrơi să anun ƀu hơmâo amăng anăn kual tơnap tap, ƀun rin kơtang dong tah tui hăng tơlơi pơkă mơ̆ng Kơnuk kơna).

- Djru prăk blơi hră pơhlom nua ia jrao kơ mơnuih amăng khul pơgang rơnuk rơnua plơi pla tui hăng tơlơi pơkă b, mrô 2, črăn 4 Hră pơtrun mrô 04/2024/NQ-HĐND kơnôl 20/6/2024 mơ̆ng Jơnum min pơ ala mơnuih ƀôn sang tơring čar Dak Lăk: 60% rơnoh prăk lu hloh blơi hră pơhlom nua ia jrao mơ̆ng khul mơnuih blơi hră pơhlom nua ia jrao tui hăng tơlơi pơkă i mrô 1, črăn 13 Tơlơi phiăn Hră pơhlom nua ia jrao mrô 25/2008/QH12 (hơmâo pơkra glăi, pơhrua tui thun 2014).

-Blơi hră pơhlom nua ia jrao tui akŏ sang, ƀing gơyut hơmâo tŭ mă tơlơi gêh găl:

- Hơmâo pơhrŏ aset ƀiă prăk blơi hră pơhlom nua ia jrao kơ mơnuih amăng sang

- Hơmâo brơi hră pơhlom nua ia jrao điện tử.

- Hơmâo tla brơi prăk khăm pơjrao tơlơi ruă kiăo tui hơnong pơkă dưi tŭ mă laih anun rơnoh dưi tŭ mă amăng hră pơhlom nua ia jrao.

- Dưi ruah mă hăng pơplih anih čih anăn khăm, pơjrao tơlơi ruă hnăng blung amăng 15 hrơi blung a rim tơđar 3 blan 1 wơ̆t.

- Hơmâo sang bruă pơhlom nua mơnuih mơnam, anih khăm pơjrao tơlơi ruă hăng hră pơhlom nua ia jrao hăng anom bruă bơdjơ̆ nao pơblang rơđah, brơi thâo djŏp tơlơi pơhing kơ bruă djru mơ̆ng hră pơhlom nua ia jrao.

- Dưi tơgŭ kơđi, ƀom kiơng bruă ngă soh tơlơi phiăn prăk pơhlom nua ia jrao.

- Blơi hră pơhlom nua ia jrao kiăo tui akŏ sang či pơgang ba tơlơi suaih pral kơ abih bang mơnuih amăng sang anŏ.

- Tơdah kiăng tơlơi pơhing hơget dong, rơkâo pơhiăp tom ƀơi anăp hăng Sang bruă pơhlom nua mơnuih mơnam tơring čar Dak Lăk ƀudah Sang bruă pơhlom nua mơnuih mơnam ƀơi plơi pla, hơdôm khul grup hơmâo jao pơhrui prăk pơhlom nua mơnuih mơnam, pơhlom nua ia jrao ƀơi plơi pla đah mơ̆ng hơmâo pơtô brơi, pơsir bruă.

Mrô telephôn mơ̆ng Sang bruă pơhlom nua mơnuih mơnam tơring čar hăng Sang bruă pơhlom nua mơnuih mơnam ƀơi djŏp tơring.

Mrô telephôn pơtô ba, djru brơi mơ̆ng Sang bruă pơhlom nua mơnuih mơnam tơring čar Dak Lăk: 0262 222 9799.