Jơlan hơdră anai, djru ba mơnuih tha rơma aka ƀu hơmâo hră pơhlom nua ia jrao, đah mơ̆ng plai ƀiă rơnoh prăk apah blơi ia jrao, amra gêh găl hloh amăng bruă pơgang ba tơlơi suaih pral. Ƀing tha rơma dưi djru ba hơmâo thun mơ̆ng 60 truh 75 thun, hơmâo anăn sang anŏ dŏ ƀơi tơring čar Dak Lak samơ̆ aka ƀu hơmâo hră pơhlom nua ia jrao.

Rơnoh prăk djru lĕ, abih rơnoh prăk blơi hră pơhlom nua ia jrao tui tơlơi phiăn pơkă ră anai, dưm dưm hăng 1.366.200 prăk sa čô sa thun. Prăk anai yua ngăn drăp tơring čar Dak Lak djru ba rĭm thun. Him lăng, rĭm thun Dak Lak pioh 114 klai prăk pioh yua amăng bruă djru anai. Kơnong amăng thun 2026, bruă djru anai, hơmâo ngă tui mơ̆ng kơnôl 30/10. Jơlan hơdră kơnuk kơna djru prăk pơhlom nua ia jrao kơ mơnuih tha rơma, brơi čih anăn djru pơhrua kơ ƀing aka ƀu hơmâo hră pơhlom nua ia jrao hlâo kơ anun. Mơ̆ng anun, djru kơ mơnuih ƀôn sang plai ƀiă prăk apah pơkă lăng, pơjrao duăm ruă yua sang anŏ tơnap tap, ƀun rin.