VOV4.Jarai - Tui hăng mrô jŭ yap mơng Anom bruă wai pơgang klin duam ruă tơring čar Dak Lăk, duam đung drah glăk hơđuh kơtang lơ̆m amăng ha wơ̆t hrơi tơjuh hơmâo năng ai 400 čô mơnuih ruă. Anai jing nam pơhŭi hlâo klin amra hơđuh kơtang dong amăng hrơi blan pơ anăp. Kơnong amăng 3 hrơi giăm anai (25-26-27/7) Dăk Lăk čih pioh hơmâo 200 čô mơnuih phrâo ƀă, amăng anun hơmâo 114 čô mơnuih duam đung drah Dengue kơtang. Pơđĭ tui mrô mơnuih duam đung drah ƀơi Dak Lăk jing 2.211 čô, đĭ 4,4wơ̆t pơhmu hăng tơđar thun 2021.

Duam đung drah hơmâo ƀuh ƀơi abih bang 15/15 boh tơring čar, plơi prong, amăng anun hơmâo 3 anih hơmâo mơnuih ruă lu hloh anun lĕ Ea Súp, Krông Pač hăng plơi prong Buôn Ma Thuột. Tui hăng ơi Hoàng Hải Phúc, Kơ-iăng khua gơgrong bruă wai lăng klin duam ruă tơring čar Dak Lăk, klin amra kơtang hloh amăng blan 8 hăng 9, yua hnun hrŏm hăng tơlơi gir run mơng anom bruă ia jrao, rim čô mơnuih kiăng răng kơđiăng, ngă agaih anih anom, kih rơmet, hyu kuăi, dloh amăng bưng pơđoh ia, pơkŭp pơđang kơthung, kơƀung kơƀai, gơnam yua hơmâo ia đom, pơdjai ană keč, ană hơdrip.

Pơdjai hơdrip, ană keč jing hơdră tŭ yua pơgang duam đung drah

Siu H’Mai: Pơblang