Tơdơi kơ ƀuh mơnuih ruă, anom bruă ia jrao nao pel ĕp tơl anih hơmâo mơnuih ruă. Pơphun pruih ia jrao ChloraminB pơdjai kman hăng kah brơi ia jrao ChloraminB brơi hơdôm boh sang hră hơmâo čơđai ruă kiăng kơ pruih ia jrao rĭm hrơi.

Laih dong črâo ba sang anŏ hơmâo mơnuih ruă ngă tui bruă pơgang kman rĭm hrơi, pơtô pơblang, črâo ba mơnuih ƀon sang amăng să nao tlâ̆o vaccine ruă djơ̆ drăng laih dong lơ̆m mưn hơmâo tơlơi ruă anun lĕ duam, đeh ƀơi klĭ kliang amra nao pơ sang ia jrao kiăng pơjrao hmao tlôn. Tui anom bruă wai pơgang tơlơi duam ruă tơring čar Dak Lak, mơng akŏ thun truh ră anai đơ đam tơring čar ƀuh 44 anih ƀuh mơnuih ruă djơ̆ drăng, ƀuh raih daih ƀơi hơdôm tơring glông, plơi prong. Ƀing mơnuih ruă lĕ čơđai pơ yŭ 15 thun hăng ƀuh ƀơi hơdôm boh sang hră čơđai muai hăng gưl I.