Anai jing mơnuih tal 4 djai yua tơlơi ruă anai ƀơi tơring čar yap mơ̆ng akŏ thun truh ră anai. Pô anet anai tơkeng thun 2021, ƀơi să Ia Lốp, tơring glông Ea Súp, tơring čar Dak Lăk. Tui hăng pô sang lăi, lơ 11/11, pô anet anai duam na nao ƀu plai ôh, pit kơtuă biă, hơmâo mun pơđeh hlơ hlong ƀơi plă tơkai, kơƀam ƀong ƀơi amăng bah. Sang anŏ hơmâo ba nao khăm laih anun mơñum ia jrao kiăo tui hră ơi ia jrao brơi.

Lơ 12/11, pô čơđai anai ruă kơtang anun jing ba nao khăm hăng đih pơ sang ia jrao tơring glông Ea Súp. Hrŏm hrơi anun mơn hơmâo ba nao hlao pơ Sang ia jrao prong kual Dap Kơdư. Pơ anai, čơđai hơmâo ơi ia jrao pơsit ruă kơƀam ƀong amăng bah tơkai tơngan, kơdol amăng suă pran mrô 4, kman mut amăng drah, drah amăng pruăi, pơblah kơsô̆ kraih. Truh mơguah lơ 13/11, nge anet anai djai laih.