VOV4.Jarai - Tui lăi pơthâo mơng Anom bruă wai pơgang tơlơi duam ruă tơring čar Dak Lak, tơring čar phrâo hơmâo dong mơnuih djai yua klin Covid-19. Anai lĕ mơnuih djai tal 273 yua klin Covid-19 amăng tơring čar. Mơnuih djai thun tơkeng 1947, ƀơi ƀut plơi 4, să Hoà Tân, tơring glông Krông Bông. Hlâo anun, lơ 25/9, pô anai mưn ƀu-ai buai, duam, laih anun ba nao khăm pơ Sang ia jrao tơring glông Krông Bông, nao pơjrao mơ̆ ƀu plai ƀiă ôh laih anun ba nao pơ Sang ai jrao prong kual Dap kơdư.

Mơnuih ƀă klin Covid-19 glăk pơjrao ƀơi Sang ia jrao prong kual Dap kơdư

Ƀơi anai arăng pơčrang lăng ƀă klin Covid-19 hăng djơ̆ virus Sars-cov2. Ăt amăng hrơi anun mơn, pô anai ba nao pơjrao klin Covid-19 pơ Sang ia jrao prong kual Dap kơdư. Tơdơi kơ 5 hrơi pơjrao, yua thun tha ƀă lu tơlơi ruă kă anun lĕ: ruă boh ƀleh, ruă amăng kian pruăi, kơtăng ară drah, ruă mơñă ƀlĕ ia sik type 2; pô anai djai amăng lơ 30/9. Tơlơi ngă bơngŏt lĕ, pô anai aka ƀu tlâo vaccine pơgang klin Covid-19.

VOV Tây Nguyên/Siu Đoan: Pơblang