Yap mơng akŏ thun truh ră anai, tơring čar hơmâo 283 čô mơnuih duam đung drah, amăng anun hơmâo 280 čô mơnuih duam đung drah Dengue, hăng 3 čô mơnuih duam đung drah Dengue kơtang. Pơhmu hăng blan hlâo, hơmâo lu hloh 40 čô mơnuih laih anun hơmâo dong 3 anih hơmâo klin duam đung drah ƀơi tơring glông Buôn Đôn, Krông Năng hăng Krông Ana.

Kiăng dưi pơgang hlâo duam đung drah, ƀu brơi klin hơđuh kơtang, lar hyu prong, Anom bruă pơgang klin duam ruă tơring čar Dak Lăk hơmâo git gai hơdôm anom bruă hyu pel ĕp, sem lăng, wai lăng véctơ, wai lăng kơjăp, tañ ƀuh, pơsir hĭ tañ anih hơmâo klin kiăng plai ƀiă lar hyu amăng plơi pla; pơsit kual amuñ hơmâo klin đah mơng pruih ia jrao pơdjai keč pơgang duam đung drah. Laih dong hyu pôr pơthâo, iâu pơthưr mơnuih ƀon sang ngă tui hơdră pơgang anih hơdip, ayuh hyiăng, pơdjai keč, ană hơdrip, pơgang duam đung drah amăng sang anŏ hăng amăng plơi pla.