VOV4.Jarai - Tui hăng jŭ yap mơng Anom bruă wai pơgang tơlơi duam ruă tơring čar Dak Lak, mơng akŏ thun truh lơ 31/7, Dak Lak hơmâo 2.451 čô mơnuih duam đung drah, đĭ 5,1 pơhmu tui tơđar thun 2021, hơmâo 1 čô mơnuih djai. Amăng anun, tơring glông Ea Súp hơmâo mơnuih duam đung drah lu hloh hăng 297 čô, kiăo tui tlôn lĕ tơring glông Ƀuôn Đôn lĕ 214 čô.

Ră anai hơmâo 15 boh tơring glông, plơi prong ƀuh anih hơđuh đĭ kman, anun lĕ 140 anih ngă lar hyu kman duam đung drah. Anom bruă ia jrao hơmâo nao pruih ia jrao jum dar anih ngă lar hyu kman. Gơnong bruă ia jrao him lăng duam đung drah amra lar hyu kơtang hloh amăng blan 8/2022. Yă Ngô Thị Minh Trinh, Kơ-iăng Khua Jơnum min mơnuih ƀon sang tơring glông Krông Pač brơi thâo: Pit đih khŏm akă mông sơker, pruih ia jrao pơdjai keč, arŏng aroač, rơmet pơagaih anih dŏ hơdip jum dar kiăng kơ plai ƀiă ngă kman lar hyu.

Siu Đoan: Pơblang