VOV4.Jarai - Ơi ia jrao Hoàng Hải Phúc, Kơ-iăng Khua anom bruă wai pơgang rơlơi ruă kă tơring čar Dak Lak brơi thâo, bruă pơgang duam đung drah amăng tơring čar Dak Lak glăk bưp tơnap tap yua kơƀah ia jrao pruih pơdjai keč. Amăng rơwang hrơi tơjuh laih rơgao, tơring čar Dak Lak tŏ tui hơmâo dong 8 anih ƀuh duam đung drah ƀơi tơring glông Lak, đĭ tui anih ƀuh mơnuih ƀă duam đung drah lĕ rơbêh 40, hăng rơbêh 1.000 čô mơnuih duam đung drah. Tui ơi Hoàng Hải Phúc, Kơ-iăng khua anom bruă wai pơgang tơlơi ruă kă tơring čar Dak Lak, ƀơi hơdôm anih phrâo ƀuh mơnuih duam đung drah kiăng lu ia jrao pruih pơdjai keč. Samơ̆, ră anai aka ƀu hơmâo ia jrao, Anom bruă wai pơgang klin kman Dap kơdư hăng gơnong bruă ia jrao tơring čar ăt phrâo jao brơi ƀơƀiă đôč, ƀu djop kiăng kơ pruih ƀơi hơdôm anih hơmâo kman. Ăt tui ơi Hoàng Hải Phúc, kiăng pơgang hŭi kman duam đung drah lar hyu lơ̆m ia jrao pruih pơgang dŏ kơƀah, gơnong bruă ia jrao kiăng tơlơi gum djru mơng djop khul grup hăng gong gai ƀon lan, sit biă ñu mơng mơnuih ƀon sang amăng bruă rơmet pơagaih, pơdjai keč amoaih, arŏng aroač.

Siu Đoan: Pơblang