VOV4.Jarai-Dơ̆ng mơ̆ng akŏ thun truh ră anai, plơi prong Ƀuôn Ma Thuôt čih pioh hơmâo 12 rơbâo 304 čô mơnuih ƀă Covid 19, dưm dưm hăng mơkrah mrô mơnuih ƀă klin ƀơi Dak Lak. Mah mrô mơnuih ƀă Covid 19 lu hai samơ̆ mrô mơnuih dưi tlâ̆o vaccine lu truh kơ 97% mrô mơnuih ƀôn sang dưi tlâ̆o pơgang djop 2 arăt hăng giăm 50% mrô mơnuih dưi tlâo arăt tal 3, anun mrô mơnuih ƀă klin kraih hăng khom ba nao pơ sang ia jrao pioh pơjrao lĕ ƀu lu ôh.

Giăm 99% mrô mơnuih ƀă Covid 19 ƀơi plơi prong Ƀuôn Ma Thuôt

dưi pơjrao pơ sang

Amăng mrô rơbêh 12 rơbâo čô mơnuih ƀă Covid 19 pơjrao pơ sang anŏ, hơmâo giăm 4.700 čô mơnuih hlao laih, kơnong hơmâo 22 čô mơnuih đôč kraih ƀiă, jing 0,17%. Tui hăng anom bruă ia jrao lăi, mah mrô mơnuih ruă kraih ƀiă ba nao pơ sang ia jrao pơjrao ƀiă, samơ̆ mơnuih ƀôn sang ăt anăm ngă amưng ôh. Tơdah hlơi ƀă klin lĕ, ăt khom kơđiăng, anăm bơngơ̆t đơi ôh; djop mơnuih khom ngă tui djơ̆ tơlơi pơtô pơgang klin 5 K, anăm tơbiă hyu jĕ giăm lu mơnuih.

Sit ƀuh mưn amăng drơi jăn duăm ayuăm lĕ khom nao test ĕp kman covid 19 mơtam tơdah pơjrao pơ sang anŏ. Tơdah ƀuh hơmâo kman covid 19 biă mă, lăi pơthâo hăng anom bruă ia jrao anih ta dŏ, anih ta nao mă bruă kiăng thâo laih anun hmư̆ tơlơi pơtô brơi pơjrao pơ sang anŏ.

Nay Jek: Pơblang