Dak Lak pơkă lăng hăng pơjrao tơlơi ruă lao ƀu mă prăk
Thứ năm, 01:03, 10/11/2022
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Rơbêh 2.700 čô mơnuih pơ 6 boh să kual ataih tơring glông Ea Hleo, Dak Lak dưi pơkă lăng hlâo hăng pơjrao tơlơi ruă pơtŭk hơngơ̆t, ruă lao ƀu apah prăk.
Hơdră anai yua kơ Anom bruă djru Pơđĭ kyar plơi pla SCD gah Ding jum Boh thâo hăng Ia rơgơi ngă hrom sang ia jrao pơjrao ruă tơsô̆ tơring čar Dak Lak pơphun, mơ̆ng lơ 9/11 truh abih lơ 15/11. Ră anai, mrô mơnuih ruă lao amăng tơring čar Dak Lak ăt lu truh 170 čô lơ̆m 100 rơbâo čô mơnuih ƀôn sang; dŏ lu mơnuih ruă lao amăng plơi pla aka ƀu ĕp ƀuh, pơjrao hmao kru.
Tal anai, Anom bruă djru pơčeh phrâo Pơđĭ kyar plơi pla SCD djru prăk brơi pơkă lăng hlâo ƀơi 6 boh să tơring glông Ea Hleo, hăng amăng 6 hrơi, mrô dưi pơkă lăng năng ai 2.700 čô mơnuih, abih bang lêng kơ mă rup X–quang; sit ƀuh hơmâo tơlơi ruă, mă ia khak ba pơčrang tơdah ƀă ruă lao lĕ amra pơjrao khut khăt mơtam.
Viết bình luận