VOV4.Jarai - Sang hră gưl prong Buôn Ma Thuột ngă hrŏm hăng kông ti Gene Solutions pơphun jơnum mă tơlơi pơhing lăi pơthâo boh thâo măi mok pơčrang gen djru ƀuh tơlơi ruă brŭ asar ta juăt iâu ung thư. Anai jing ha bơnah amăng kơčăo bruă “Yua kơ sa Việt Nam huăi bơngơ̆t kơ tơlơi ruă ung thư” mơ̆ Gene Solutions glăk ngă. 30 čô mơnuih amăng mrô amuñ hơmâo tơlơi ruă brŭ asar ƀơi Dak Lăk amra hơmâo pơčrang brơi đôč hăng boh thâo anai. Sang hră gưl prong Buôn Ma Thuột hơmâo gum hrŏm hăng Kông ti Gene Solutions amăng kơčăo bruă djru mơnuih mơnam “Yua kơ sa Việt Nam huăi bơngơ̆t kơ tơlơi ruă ung thư”.

Kơčăo bruă anai mă yua măi SPOT-MAS pơčrang gen. anai jing boh thâo pơčrang tơlơi ruă ung thư juăt ƀuh hloh ră anai anun lĕ ruă kơsô̆, ruă tơsâo, hơtai, pruăi tha hăng hlung asơi lơ̆m phrâo ruă mơtăm, amăng ha wơ̆t mă drah pơčrang hăng lăi pơthâo glăi tañ hloh.

Siu H’Mai: Pơblang