Gơnong bruă ia jrao Dak Lak him lăng amra jao brơi Anom bruă ia jrao wai pơgang hlâo kơ jơnum min mơnih ƀon sang hơdôm tơring glông, plơi prong kiăng pơsir hĭ hơdôm bruă anai. Tui gơnong bruă ia jrao Dak Lak đơ đam tơring čar glăk kơƀah rơbêh 1.700 mơnuih mut biên chế, hăng hơnong pơkă 7,15% ơi ia jrao amăng hơdôm rơbăn čô mơnuih pơhmu hăng tơlơi pơkă lĕ 8 čô amăng ha rơbăn čô.

Bruă lu mơnuih duam ruă glăk ngă hơdôm boh sang ia jrao amăng tơring čar, hăng sưng đih mơng 110% truh 130%. Kiăng pơsir hĭ tơlơi anai, gơnong bruă ia jrao Dak Lak him lăng amra jao grup ia jrao wai pơgang kơ hơdôm boh ƀon lan wai lăng hăng tuh pơ alin. Gơnong bruă ia jrao ăt glăk pơjing sa akŏ bruă mă yua ơi ia jrao mơng gah rơngiao nao khăm pơjrao ƀơi hơdôm boh sang ia jrao kơnuk kơna pơdong hăng apah prăk lăp djơ̆ hloh.