Mrô yap mơng Anom bruă ia jrao hăng čem rông hlô mơnong tơring čar Dak Lak brơi ƀuh, đơ đam tơring čar hmâo năng ai ñu 180.000 drơi asâu, eo lĕ hlô rông mơ̆ng hơdôm bôh sang anô̆. Mơ̆ng akô̆ thun truh ră anai, ƀơi tơring čar hmâo 2 čô mơnuih djai yua kơ asâu djơ̆ tuai kĕ, hơdôm pluh čô mơnuih pơkŏn dưi tlâ̆o pơgang pơjrao hmao tlôn.

Ƀirô apăn bruă anai hmâo thâo, pơdjai prai lui hơdôm pluh drơi asâu djơ̆ tuai. Năng ai ñu 64.000 drơi asâu, eo hmâo tlâ̆o pơgang hlôm hlâo amăng ha mơkrah akô̆ thun. Ơi Trần Ngọc Sơn, Kơ-iăng Khua Anom bruă wai lăng ia jrao hăng čem rông hlô mơnong tơring čar Dak Lak lăi pơhing, ră anai hrŏm hăng pơtrut kơtang bruă tlâ̆o vaccine pơgang kơ pŭ asâu, eo, gơnong bruă ia jrao hlô mơnong gum hrŏm klă hăng hơdôm tơring glông, plơi prong lăi pơhing kiăng mơnuih ƀôn sang thâo đing nao, gơgrong hlâo pơgang, pơgăn klin ruă djơ̆ tuai, ngă tui klă bruă krư̆ hlô rông./.