Lăi pơthâo amăng mông jơnum, pô pơ ala kơ Gơnong bruă ia jrao Dak Lăk brơi thâo, yap mơng akŏ thun truh ră anai, tơring čar hơmâo 85 čô mơnuih ƀă klin Covid-19, pơƀut ƀơi plơi prong Buôn Ma Thuột hăng 33 čô mơnuih ƀă klin.

Kiăng tơdu ƀiă tơlơi truh klin lar hyu prong amăng hrơi pơdơi, Jơnum min mơnuih ƀon sang Dak Lăk git gai anom bruă ia jrao lăng glăi abih bang gơnam yua, anih anom sang ia jrao; pơtrut tlâ̆o pơgang vắc xin Covid-19, amăng anun tlâ̆o brơi ƀing tha, mơnuih hơmâo tơlơi ruă hơđăo hăng ƀing čơđai ƀơ̆i hlâo; ngă hrŏm hăng hơdôm gơnong bruă, gong gai plơi pla pơphun glăi bruă pơgang klin Covid-19; ngă klă tơlơi pơgang 2K (gôm ƀô̆ hăng rao tơngan hăng ia čơƀu), biă ñu lĕ ƀơi hơdôm kual hơmâo lu mơnuih tơbiă hyu, tơdron rơdêh por, graih rơdêh.