VOV4.Jarai - Tui hăng Gơnong bruă ia jrao Dak Nông, yap mơng 6 mông mơguah lơ 1/3 truh 6 mông mơguah lơ 2/3, tơring čar čih pioh hơmâo 1.391 čô mơnuih ƀă Covid-19, pơđĭ tui mrô mơnuih ƀă klin amăng tơring čar lĕ 18.236 čô mơnuih. Amăng anun hơmâo lu mơnuih suaih laih, hơmâo 39 čô mơnuih djai; ră anai Dak Nông dŏ giăm 4.400 čô mơnuih F0 pơjrao pơ sang, 606 čô mơnuih đih pơ sang ia jrao. Kơnong ƀơi Gia Nghĩa, amăng rơwang hrơi tơjuh rơgao, hơmâo rơbêh 1.400 čô mơnuih F0, hơmâo năng ai 1/4 mrô mơnuih phrâo ƀă klin amăng tơring čar.

Ƀơi anăp klin ruă kơtang tui anai, Jơnum min mơnuih ƀon sang plơi prong Gia Nghĩa hơmâo hră git gai kơjăp lu bruă sĭ mơdrô. Hơdôm anih jơnum tơlơi đăo ƀu dưi jơnum pơƀut rơgao 10 čô ôh. Bruă jơnum ngui ngor amăng sang anŏ, gah rơngiao khŏm pơhlôm abih bang mơnuih mut nao tlâ̆o 2 ară vaccine laih, ƀudah pơjrao suaih Covid-19 amăng 6 blan laih anun ngă tui klă tơlơi pơtrun 5K.

Siu H’Mai: Pơblang