Ơi ia jrao Trần Duy Dũng, Kơ-iăng Khua gơgrong bruă Sang ia jrao prong tơring čar Dak Nông brơi thâo, tơlơi kơƀah gơnam mă yua gah ia jrao ƀơi sang ia jrao pơphun mơ̆ng thun 2022 truh kơ ră anai. Amăng anun, gơnam pơgang tơngan pơdjai kơman, đing jôr – pơđoh, thong breh, ia jrao kron, pit... lĕ hơdôm gơnam juăt kơƀah.
Bôh than ba truh tơlơi kơƀah anai ơi ia jrao Dũng brơi thâo, yua kơ bruă blơi prăp, juă nua ƀu gal hăng tơlơi tơ̆i đưn hơdôm bruă blơi prăp tơdơi kơ hmâo bơdjơ̆ nao klin Covid-19. Thun 2022, sang ia jrao pơphun 15 anung prăk blơi prăp gơnam, măi mok mă yua hmâo nua 38 klai prăk, samơ̆ kơnong kơ hmâo 5 anung prăk pioh blơi hăng nua năng ai ñu 10 klai prăk ngă tui truh kih. Yua anun, ơi ia jrao Trần Duy Dũng rơkâo Gơnong bruă ia jrao tơring čar Dak Nông ngă pô gơgrong phun, blơi prăp, mơ̆ng anun ngă plai ƀiă tơlơi bơngot kơ mơnuih apăn bruă, mơnuih mă bruă ƀơi hơdôm bôh sang ia jrao./.
Viết bình luận