VOV4.Jarai - Anai lĕ tơring čar blung a amăng kual Dap kơdư hơmâo mrô mơnuih tlâ̆o vaccine pơgang klin Covid-19 lu hloh, tơring čar Dak Nông hơmâo pơgiong laih bruă tlâ̆o ară tal dua brơi kơ ƀing čơđai mơng 12 truh pơ 17 thun, hăng glăk pơphun tañ bruă tlâ̆o ară tal 3 brơi mơng ƀing mơnuih mơng 18 thun pơ glông. Lu mơnuih hơmâo tlâ̆o laih yua anun mrô mơnuih djai lơ̆m ƀă klin Covid-19 ƀơi Dak Nông aset hloh pơhmu hăng đơ đam dêh čar.
Mrô mơnuih djai yua ƀă klin Covid-19 ƀơi Dak Nông aset hloh pơhmu hăng đơ đam dêh čar
Truh ră anai đơ đam tơring čar hơmâo tlâ̆o giong ară tal 2 brơi kơ ƀing mơnuih mơng 18 thun pơ glông, hăng tlâ̆o ară tal 2 brơi kơ ƀing čơđai mơng 12 -17 thun dưm dưm 96%. Amăng rơwang hrơi tơjuh hlâo anun, tơring čar hơmâo tŭ mă 110 rơbâo liều vaccine djop mơta kiăng kơ tlâ̆o ară tal 3 brơi kơ mơnuih ƀon sang. Truh lơ 13/1, tơring čar Dak Nông hơmâo 6.553 čô mơnuih ƀă klin Covid-19, samơ̆ abih bang lêng kơ pơjrao suaih abih laih; kơnong 15 čô mơnuih djai.
Siu Đoan: Pơblang
Viết bình luận