Daklak: Ăt akă dưi blơi prăp mơn gơnam măi mok gah ia jrao tui Tơlơi pơtrun pơsit mrô 30 hăng Tơlơi pơtrun pơkă 07
Thứ năm, 09:56, 23/03/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Ơi Nguyễn Đại Phong, Khua Sang ia jrao prong kual Dăp Kơdư, ƀơi Dak Lak brơi thâo, truh ră anai, Sang ia jrao ăt akă dưi blơi prăp mơn ia jrao, gơnam tam măi mok gah ia jrao tui Tơlơi pơtrun pơsit 30 hăng Tơlơi pơtrun pơkă 07 yua kơ ăt dô̆ mơn lu tơlơi gun bơdjơ̆ nao tơlơi phiăn juă nua.
Pơblang kơ tơlơi anai, ơi Nguyễn Đại Phong lăi lĕ Tơlơi pơtrun pơsit 30 hăng Tơlơi pơtrun pơkă 07 pơphun hmâo ƀu djơ̆ hơdôm anom bruă ia jrao amra dưi ngă tui mơtăm ôh bruă blơi prăp ia jrao hăng gơnam tam măi mok gah ia jrao mơ̆, ăt khom ngă hră pơ-ar juă nua mơn. Hơdôm hrơi ngă tui anai khom rơngiă mơng 4 truh 6 blan.
Hrom hăng anun, yua kơ kah hăng abih bang gơnam tam măi mok mă yua leng kơ gơnam blơi mơng dêh čar tač rơngiao, lom anun ră anai mrô gơnam sĭ glăk tơ̆i đưn hĭ yua bơbeč mơng klin ngă hăng blah ngă, anun khă hmâo pơtlaih laih hơdră pơkă, hơdră bruă samơ̆ akă hmâo mơn măi mok pioh blơi./.
Viết bình luận