VOV4.Jarai - Dong mơng akô̆ thun truh ră anai, tơring čar Daklak hmâo čih pioh laih 710 čô mơnuih hmâo tơlơi ruă duam pơđung drah hăng 20 anih hmâo klin ngă. Hơdôm gơnong bruă bơdjơ̆ nao glăk pok pơhai tañ hơdôm bruă ngă kiăng plai ƀiă gluh đĭ klin duam pơđung drah. Amăng mrô 710 čô mơnuih duam pơđung drah, kơnong mơng akô̆ blan 6 truh ră anai čih hmâo 388 čô mơnuih.

Mơnuih mă bruă ia jrao pơtô brơi mơnuih ƀôn sang pơdjai lăng kuăng bôh keč

Klin duam pơđung drah hmâo ƀơi abih bang 15 bôh tơring glông, plơi pring, amăng anun, tơring glông Ea Sup čih hmâo mrô mơnuih duam pơđung drah lu hloh hmâo 195 čô mơnuih. Kơnong amăng rơwang hrơi tơjuh rơgao, mrô mơnuih duam pơđung drah đĭ lu tañ ƀơi tơring čar, đĭ truh 63% bơhmu hăng thun hlâo. Pơkă lăng hlâo pơ̆ anăp anai, mrô mơnuih duam pơđung drah amra đĭ kơtang tơdah mơnuih ƀôn sang ƀu pơđĭ tui bruă pơgang pơgăn hlôm hlâo tơlơi ruă./.

Siu H’ Prăk: Pô pơblang