VOV4.Jarai - Lơ 16/2, Sang ia jrao Đại học Buôn Ma Thuột (ƀơi phường Tân An, plơi prong Buôn Ma Thuột, tơring čar Daklak) hmâo pơphun ngă lơphet mă yua. Sang ia jrao hmâo abih bang prăk mă yua rơbêh kơ 600 klai prăk, hmâo 200 bôh sưng kơ mơnuih ruă hăng anih anom pơjrao lu mơta tơlơi ruă phun kah hăng: Ngoại Tổng Quát; Ngoại Thần Kinh; Nội Tổng Hợp; Phụ Sản; Anih djru tơlơi tơkeng ană IVF; Tim Mạch Can Thiệp; Chẩn Đoán Hình Ảnh; Pơčrang lăng drah; Pel ĕp hăng pơjrao tơlơi ruă bơbrŭ asar; Anom pơjrao tơgơi mơbah – pơplih pơkra ƀô̆ mơta...

Trơ̆i bơnal mă yua Sang ia jrao

Sang ia jrao Đại học Buôn Ma Thuột amra djru hơdôm bôh sang ia jrao plai ƀiă lu mơnuih ba nao pơjrao pơ̆ anih ataih dlông hloh, biă ñu dưi pơsir brơi tui tơlơi rơkâo mơng mơnuih ƀôn sang amăng tơring čar gah bruă mă yua măi mok phrâo kah hăng pơjrao tơlơi ruă ară drah tơhai bôh, breh pơjrao, pơjrao brơi mơnuih ƀu dưi hmâo ană... hăng bruă pơjrao pel ĕp tui tơhnal pơkă jar kơmar./.

Siu H’ Prăk: Pơblang