VOV4.Jarai - Tui hăng Anom wai lăng tơlơi duam ruă tơring čar Daklak, ƀơi tơring čar phrâo čih hmâo dong sa cô mơnuih djai yua kơ Covid-19. Anai lĕ mơnuih tal 2 ƀơi Daklak djai yua kơ Covid-19 amăng blan 10 anai. Pô ruă anun tơkeng thun 1932, ƀơi plơi Bắc Trung, să Ea Tân, tơring glông Krông Năng.

Kual pơjrao mơnuih ruă Covid-19 ƀơi Sang ia jrao prong kual Dăp Kơdư

Hlâo kơ anun, lơ 13/10, pô ruă dô̆ pơ̆ sang glêh, pơ-iă drơi, hmâo tôm pơtuk anun nao pel ĕp ƀơi Anom ia jrao tơring glông Krông Năng, bôh tơhnal pơčrang lăng tañ ƀuh djơ̆ kơman Sars-CoV-2. Amăng hrơi anun mơn, pô ruă dưi ba nao pơ̆ kual pơjrao mơnuih ruă Covid-19 ƀơi Sang ia jrao prong Dăp Kơdư. Tơdơi kơ 10 hrơi pơjrao klă, samơ̆ yua kơ thun tha rơma hrom hăng tơtăng ară drah, kơƀah drah hăng akă tlâ̆o vaccine pơgang Covid-19 anun pô ruă djai laih./.

VOV.TN čih

Siu H’ Prăk pơblang