VOV4.Jarai - Tui hăng mrô yap mơng Anom wai lăng tơlơi duam ruă tơring čar Daklak, yap truh lơ 28/9, đơ đam tơring čar čih hmâo 729 čô mơnuih hmâo tơlơi kơčung tơkai tơngan mơbah đĭ rơbêh kơ 30% bơhmu hăng thun 2021.

Ơi ia jrao Anom pơjrao tơlơi ruă čơđai muai Sang ia jrao prong kual Dăp Kơdư pel ĕp kơ čơđai ruă kơčung tơkai tơngan hăng mơbah

Mrô mơnuih ruă hmâo čih ƀơi 15 amăng mrô 15 bôh tơring glông, plơi prong amăng tơring čar, amăng anun hmâo sa dua bôh anih anom hmâo mơnuih ruă kơčung tơkai kơngan hăng mơbah đĭ lu lĕ plơi prong Buôn Ma Thuột, tơring glông Buôn Đôn, Čư̆ Mgar, Krông Pač hăng plơi prong Buôn Hồ. Ơi Lê Phúc – Kơ-iăng Khua Anom wai lăng tơlơi duam ruă tơring čar Daklak brơi thâo, kiăng pơgăn tơlơi lar hyu mơng tơlơi ruă kơčung tơkai tơngan hăng mơbah, Gơnong bruă ia jrao tơring čar Daklak amra lăng tui kơjăp tơlơi klin ruă, hmao thâo tañ hơdôm anih klin ngă phrâo hmâo, guang dar kual, pơsir anih klin ngă hăng djru plơi pla amăng bruă pơgăn anih klin ngă, djru pơjrao tañ, dô̆ pơjrao lom kiăng./.

VOV4.TN čih

Siu H’ Prăk pơblang