Tơring čar Daknông glăk pơtrut kơtang hơdôm bruă pơgăn duam pơđung drah. Duam pơđung drah hmâo ƀơi abih bang 71 bôh să, phường, tơring kual amăng tơring čar. Amăng anun tơring glông Dak Mil, Čư̆ Jut, Dak Song hăng plơi prong Gia Nghĩa jing anih anom hmâo mrô mơnuih duam pơđung drah luh hloh.

Ơi ia jrao mơng Anom ia jrao tơring glông Dak Song glăk pel ĕp tơlơi suaih pral kơ mơnuih duam pơđung drah

Tui hăng ơi Huỳnh Thanh Huynh, Kơ-iăng Khua Gơnong bruă ia jrao tơring čar Daknông, duam pơđung drah ƀơi tơring čar glăk ngă tơnap biă, hmâo rơwang hrơi tơjuh čih hmâo 170 čô mơnuih. Kiăng pơgăn duam pơđung drah gluh đĭ, gơnong bruă ia jrao glăk pơtrut kơtang bruă lăi pơhing kiăng mơnuih ƀôn sang thâo; iâu pơthưr hơdôm khul grŭp, gong gai pơsur mơnuih ƀôn sang gum hrom bruă ngă agaih anih anom dô̆, pơdjai lăng kuăng, bôh keč./.