Tui anun, pô kiăng tlâ̆o, hrơi tlâ̆o vaccine khŏm kiăng amăng Tlâ̆o pok prong hơmâo:

- Čơđai ană nge: Tlâ̆o vaccine pơgang bơbrah hơtai B.

- Čơđai yŭ kơ 1 thun: Tlâ̆o pơgang ruă lao, mơñum vaccine bOPV pơgang rơwen rơwô, tlâ̆o vaccine pơgang 5 tơlơi ruă: bạch hầu, pơtuk gơgruk, uốn ván (tơlơi ruă ngă găng arăt), bơbrah hơtai B, ruă kơsô̆/ia rơnah amăng hruh dlô yua kman Hib ngă, tlâ̆o pơgang rơwen rơwô, pañ rơkai rơngai, djơ̆ hmơi.

- Čơđai mơng 1 truh 5 thun: Tlâ̆o pơgang ruă dlô Nhật Bản B.

- Čơđai mơng 18 truh 24 blan: Tlâ̆o pơgang djơ̆ hmơi-rubella, DPT pơgang bạch hầu, pơtuk, uốn ván ngă găng arăt.

- Ƀing đah kơmơi glăk pi tlâ̆o pơgang uốn ván.

Hrơi blan pơ anăp anai, hrơi tlâ̆o djuai vaccine pơkŏn pơmut amăng Jơlan hơdră Tlâ̆o pơgang pok prong hơmâo:

- Čơđai yŭ ƀudah rơbêh 1 thun: Tlâ̆o pơgang rơwen arăt tal 2 (vaccine anai tlâ̆o brơi đôč kơ čơđai mơng 9 blan).

- Čơđai 7 thun ƀơi kual amuñ hơmâo tơlơi ruă: Tlâ̆o pơgang bạch hầu, uốn ván tui tơlơi rơkâo mơng plơi pla.

- Čơđai yŭ 1 thun mơñum vaccine Rota.

Vaccine hơmâo ba pơmut tui hăng tơlơi pơtă hlâo mơng Anom bruă ia jrao rŏng lŏn tơnah, Khul pơtô brơi mă yua vaccine mơng Ding jum ia jrao, kiăo tui klin kheng glăk hơmâo ƀơi Việt Nam.