VOV4.Jarai - Tui hăng tơlơi pơhing mơng Grŭp črâo ba bruă pơgang, pơgăn klin Covid-19 mơng Jơnum min Djuai ania, ruah mă mơng tơdơi kơ tal pơdơi Tết tui phiăn juăt truh ră anai, đơ đam dêh čar ta hmâo 66.460 čô mơnih djuai ania ƀiă ƀă kơman Covid-19. Rơđah biă ñu, kual Yŭ Dơnung dêh čar hmâo rơbêh kơ 5.200 čô mơnuih ƀă kơman klin, kual Tŏng Krah hăng Kual Dăp Kơdư hmâo năng ai ñu 16.300 čô mơnuih, ƀôn prong Hồ Chí Minh – Ngŏ Dơnung dêh čar hmâo 42.200 čô mơnuih... Khă hơdôm anih anom anai hmâo mă yua lu bruă kiăng juăt, pơhlôm, pơplih tañ hăng wai lăng klin ruă, samơ̆ tơlơi hmâo bơdjơ̆ nao tơlơi hơdip mơnuih ƀôn sang tơnap tap hơđăp laih ră anai jai tơnap tap hloh dong. Gah sui thun lu anih anom bưp tơlơi tơnap amăng bruă pơsir bruă mă kơ mơnuih mă bruă, biă ñu mơnuih mă bruă sang anô̆ ƀun rin, neh wa djuai ania ƀiă yua kơ bơbeč mơng klin Covid-19 ngă sui hrơi blan./.

Siu H’ Prăk: Pơblang