Mơguah lơ 11/1, adơi Siu N “tơkeng thun 2013, dô̆ ƀơi plơi Tao Roong, să Ia Pal, tơring glông Čư̆ Sê pơkra añăn ajĭ arŏ ƀong hrŏm hăng 2 čô adơi pô Siu H, tơkeng thun 2020 hăng Siu T, tơkeng thun 2018. Truh 11 mông 30 mơnit hrơi anun, pô sang thâo čơđai đih ƀu ƀuh pơpư̆ ƀơi tur sang, mơ-eh mơñă ƀu thâo gah anun ba nao pơ̆ Anom ia jrao tơring glông Čư̆ Sê pơjrao tañ.

Lơm ba nao 12 mông hrơi anun, adơi Siu N ƀu ƀuh suă jua dong tah, hăng djai tơdơi kơ anun hăng hmâo pô sang ba glăi. Adơi Siu H ba nao pơ̆ anom ia jrao lơm ƀu thâo yŭ ngŏ, tơbiă rai ia khak, tơnok pơpư̆ tañ, jua rơnang, pơkă lăng lĕ yua măt djơ̆ ia phih ajĭ arŏ kơtang. Ƀơi jơlan nao sang sang ia jrao, Siu H ăt djai laih mơn. Adơi Siu T dưi pơkă lĕ ruă măt yua ƀong añăm mơnong ajĭ arŏ ƀơi rơnoh tŏng krah, ră anai glăk dưi pơjrao klă ƀơi Anom hơkrŭ glăi pran jua pơgăn ruă măt – Sang ia jrao čơđai muai Gia Lai./.