Mơnuih djai yua djơ̆ tuai phrâo hloh yă Đ.T.C. (thun tơkeng 1956, dŏ ƀơi plơi Đà Bắc, să Ia Lâu, tơring glông Chư Prông). Tui anun, amăng blan 10/2022, yă C. asâo akĕ ƀơi tơkai. Tơdơi anun asâo anai arăng taih pơdjai. Yă C. hơmâo rao hăng ia, mơ̆ ñu ƀu nao pơ sang ia jrao kiăng tlâ̆o vaccine pơgang kman. Mơng akŏ truh 2023, tơring čar Gia Lai hơmâo laih 5 čô mơnuih djai yua djơ̆ tuai.

Tui mrô jŭ yap, rơwang mơng thun 2015-2022, tơring čar Gia Lai hơmâo 33 čô mơnuih djuai yua djơ̆ tuai. Tui anom bruă wai pơgang klin kman tơring čar Gia Lai, ruă djơ̆ tuai ăt dŏ ƀuh ƀơi hơdôm boh ƀon lan yua tơlơi hơdip dŏ tơnap tap, mơnuih ƀon sang aka ƀu đing nao bruă tlâo vaccine pơgang kman tơdơi kơ hlô rông akĕ. Tơlơi juăt rông asâo, eo prưh lui gah rơngiao ăt ngă kơ bruă pơgang kman bưp tơnap tap.