VOV4.Jarai-Lơ 8/8, ơi Lê Văn Trì-Khua anom bruă ia jrao tơring glông Čư̆ Prong, Gia Lai pơsit, amăng tơring glông hơmâo čih pioh sa čô mơnuih djai yua kman asâo djơ̆ tuai ƀơi tơring kual Čư̆ Prong. Pô djai anun, Nguyễn Văn Trịnh thun tơkeng 1970, dŏ pơ ƀut plơi mrô 6, tơring kual Čư̆ Prong. Ơi Trịnh anai duam yua djơ̆ tuai lơ 18/7 hăng tơlơi mưn kah hăng hŭi djơ̆ ia, hŭi kơ angin, hŭi anŏ bơngač laih anun kơhñăk. Lơ 19/7, arăng ba ñu nao pơ sang ia jrao prong tơring čar Gia Lai laih anun dưi ba nao pơ sang ia jrao prong Bệnh nhiệt đơí dêh čar, tơdơi kơ anun hơdôm hrơi ñu djai yơh.

Lơ̆m asâo, eo kĕ, khom nao pơ sang ia jrao tañ mơtam pioh tlâ̆o pơgang kman djơ̆ tuai

Tui hăng tơlơi pơtong glăi mơ̆ng anom bruă sem lăng tơlơi duam ruă tơring čar Gia Lai, amăng sa thun hăng anai, ơi Trịnh ƀu hơmâo eo, asâo djơ̆ tuai kĕ ôh. Samơ̆ hlâo kơ ñu duam 15 hrơi lĕ, ñu hơmâo djă pi sa drơi eo djai laih, ba nao dor, eo djai aka ƀu thâo ôh yua kơ djơ̆ tuai hă ƀô̆. Giong dor eo djai, ơi Trịnh ƀu hơmâo tlâ̆o ia jrao pơgang djơ̆ tuai ôh, yua ñu ƀu thâo lơi ñu ƀă kman asâo djơ̆ tuai. Anai lĕ mơnuih djai tal pă laih yua kman asâo djơ̆ tuai, yang ngă ƀơi tơring čar Gia Lai yap mơ̆ng akŏ thun 2022 truh ră anai.

Nay Jek: Pơblang