VOV4.Jarai-Ră anai, klin duăm đung drah ƀơi Gia Lai hơđuh rai kơtang ƀơi djop tơring glông, plơi prong hăng 112 bit anih ƀă kơtang, 306 čô mơnuih duăm, đĭ tui 60% pơkă hăng tal anai mơ̆n thun hlâo, amăng anun, sa čô djai. Sang ia jrao pơjrao čơđai muai Gia Lai brơi thâo, mơ̆ng akŏ blan 5 truh ră anai, sang ia jrao anai hơmâo čơkă pơjrao brơi kơ 46 čô mơnuih duăm đung drah. Tui hăng anom bruă ia jrao lăi, djop mơnuih duăm đung drah, đĭ lu yap mơ̆ng akŏ blan 5 truh ră anai.

Hrơi blan anai truh bơyan hơjan, adai hơjan, pơđiă pơblih nao rai ñu amuñ biă mă keč Dengue čeh boh, pơđĭ kyar. Tui hăng hnong juăt hơmâo, thun 2022 truh thun lok glăi amra hơđuh rai klin duăm đung drah amăng tơring čar Gia Lai. Gơnong bruă ia jrao Gia Lai pơtă pơtăn hlâo, mơnuih ƀôn sang khom ngă tui djơ̆ tơlơi pơtrun mơ̆ng anom bruă ia jrao, biă mă ñu ngă klă bruă rơnăk anih dŏ jum dar, ngă hnun kah bruă pơhlôm pơgang duăm đung drah amăng tơring čar mơ̆ng tŭ yua.

Nay Jek: Pơblang