VOV4.Jarai-Hrơi blan rơgao, mrô mơnuih ƀă Covid 19 phrâo ƀơi Gia Lai đĭ hmar, hŭi ba truh sa hrơi čih pioh truh 3000 čô. Khă hnun, anom bruă ia jrao tơring čar hăng djop tơring glông amăng tơring čar bưp lu tơlơi tơnap tap amăng bruă blơi prăp gơnam yua gah ia jrao bơwih kơ bruă pơgang klin. Tui hăng ơi Nguyễn Đình Tuấn-Kơ-iăng Khua Gơnong bruă ia jrao tơring čar Gia Lai, mơ̆ng thun 2022, Jơnum min mơnuih ƀôn sang tơring čar jao kơ djop sang bruă ia jrao akŏ pơjing bruă mă kơsem min blơi gơnam yua mă bruă pơhlôm, pơgang klin  Covid 19, hơdôm anih sĭ mơdrô ia jrao ƀu djop ia jrao, gơnam yua ba sĭ mơdrô djơ̆ hăng hră pơkôl.

Lu anom bruă ia jrao pơ tơring glông ƀu dưi blơi anŏ pơčrang kman test hmar kiăng ĕp kman Sars-cov-2, yua nua sĭ pơmă hloh nua mơ̆ng ding jum ia jrao pơsit. Ăt tui hăng ơi Nguyễn Đình Tuấn mơ̆n, anŏ ngă gun prong hloh lĕ hŭi kơ bruă blơi gơnam yua, hŭi ƀu găl hăng tơlơi pơtrun kơplah wah khua git gai bruă pơhlôm, pơgang klin tơring čar hăng khua mua djop anom bruă ia jrao.

Nay Jek: Pơblang