Anai jing mơnuih tal 4 djai yua djơ̆ tuai ƀơi tơring glông anai, jing mơnuih tal 14 djai yua djơ̆ tuai amăng tơring čar yap mơ̆ng akŏ thun truh ră anai. Pô djai lĕ adơi Trần Dương Minh C (tơkeng thun 2017, plơi Al Gôn, să Ia Din, Đức Cơ). Tui hăng sang anŏ pô djai ră ruai, sui mơ̆ng anai 3 blan, pô djai hơmâo asâo amăng sang ñu kĕ, kĕ rơka mă ƀiă mơn anun ƀu nao tlâ̆o vắc xin hăng huyết thanh pơgang djơ̆ tuai ôh.
Tơdơi kơ hơmâo pô djai yua djơ̆ tuai, Anom bruă ia jrao tơring glông Đức Cơ lăi pơthâo hăng sang anŏ laih anun sang anŏ iao gah tơlơi hŭi rơhyưt mơ̆ng tơlơi ruă djơ̆ tuai, kiăng mơnuih ƀôn sang thâo kơđiăng tlâ̆o vắc xin lơ̆m asâo kĕ kuač, ƀudah nao pơ sang ia jrao tơña kơ ƀing ơi ia jrao. Hăng 14 čô mơnuih djai djơ̆ tuai, tơring čar Gia Lai jing tơring čar hơmâo mrô mơnuih djai lu hloh amăng đơ đam dêh čar amăng thun 2023.
Viết bình luận