Mơnuih djai phrâo anai yua kman djơ̆ tuai ngă hơmâo čih pioh ƀơi tơring glông Đak Đoa. Rơđah biă ñu, mơnuih djai anăn Thái thun tơkeng 2019, plơi Ƀok Rei, să Đak Sơmei, tơring glông Đăk Đoa. Tui hăng tơlơi pơhing mơ̆ng sang anŏ pô djai, plah wah blan 9/2023, nô Thái asâo sang anŏ ñu pô kĕ. Tơdơi kơ anun asâo anai đuăi hyu hlao, ră anai aka ƀu thâo mơ̆n dŏ hơdip ƀudah djai laih. Lơ 24/10, nô Thái duăm hlor pơ-iă amăng drơi jăn laih anun hŭi djơ̆ ia, hŭi kơ angin, ñu lăi ruă hrŏm hrăm bă hră amăng drơi jăn. Mơguah lơ 26/10, arăng ba nao pơ sang ia jrao tơring glông Đak Đoa laih anun hlong ba nao pơ sang ia jrao prong pơjrao čơđai muai ƀơi Gia Lai pioh pơjrao ječ ameč yua kraih laih.

Truh 10 mông 30 mơnit yang hrơi dơ̆ng hrơi anun mơ̆n, gơ̆ djai yơh. Ră anai, anom bruă ia jrao tơring glông Đak Đoa pơtă pơtăn brơi kăng pơkă kual, pơsir klin kman djơ̆ tuai tui hăng tơlơi phiăn pơtrun; laih dơ̆ng pôr pơthâo mơnuih ƀôn sang thâo prăp lui pơhlôm pơgang hăng sit hơmâo tơlơi truh asâo, eo kĕ khom ba nao pơ sang ia jrao ƀudah tlâ̆o ia jrao vaccine pơgang hŭi ƀă kman djơ̆ tuai asâo yang ngă mơ̆ng asâo eo.