Tui lăi pơthâo amăng mông jơnum, amăng thun 2022 (yap truh lơ 30/11), đơ đam tơring čar Gia Lai pơphun 84 tal pơyơr drah, mrô drah tŭ mă tơbêh 18 rơbâo anung drah, dưm dưm 120% tui hơnong pơkă jao trun. Amăng anun, Sang ia jrao prong Gia Lai hơmâo tŭ mă rơbêh 14.600 anung drah hăng Sang ia jrao Ling tơhan 211 tŭ mă rơbêh 3.300 anung drah.

Hơmâo 416 anung drah hơmâo djru brơi hmao tlôn kơ hơdôm sang ia jrao pioh jôr brơi mơnuih duam ruă. Amăng thun 2023, Khul git gai pơsur pơyơr drah tơring čar Gia Lai gir run tŭ mă rơbêh 16 rơbâo anung drah. Laih dong, gir run mrô mơnuih nao pơyơr drah mơng 95-97%; mrô mơnuih pơyơr drah pot glăi dong rơbêh 75% hăng mrô mơnuih ƀon sang nao pơyơr drah dưm dưm 1,1%.