Gia Lai: Khăm brơi đôč kơ ƀing čơđai ruă hơtai boh
Thứ năm, 15:53, 11/05/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Pơphun mơng lơ 9/5 truh abih lơ 12/5, Gơnong bruă mơnuih mă bruă - tơhan rơka hăng mơnuih mơnam tơring čar Gia Lai ngă hrŏm hăng Sang ia jrao Hoàn Mỹ Đà Nẵng pơphun khăm hơtai boh brơi kơ ƀing čơđai ƀơi Gia Lai.
Amăng hơdôm hrơi rơgao, ƀing ơi ia jrao hơmâo khăm pơkă lăng tơlơi ruă kơ 400 čô čơđai ƀơi Gia Lai ƀuh nam ruă hơtai boh kah hăng: juăt pơtuk, pơtuk lok nao lok rai, suă pran tañ, lơ̆m suă pran ngă ahŭp ƀơi tơda, bơbrah kơsô̆, bơbrah la, čơđai ruă hơtai boh mơng nge aka ƀu khăm lăng. Hăng ƀing čơđai hơmâo brač brơi laih jing arăng iâu nao khăm glăi dong. Him lăng, abih lơ 12/5, ƀing ơi ia jrao amra khăm brơi kơ 1000 čô čơđai ƀơi tơring čar. tơdơi kơ ƀing čơđai hơmâo khăm laih anun ơi ia jrao pơsit kiăng brač lĕ amra hơmâo djru ba abih tih prăk pơjrao.
Viết bình luận