VOV4.Jarai - Dong mơng lơ 4 truh pơ lơ 7/10, ƀơi anom bruă hơduah ĕp bruă mă tơring čar Gia Lai, gơnong bruă mă, tơhan rơka hăng mơnuih mơnam tơring čar gum hrŏm hăng Sang ia jrao Hoàn Mỹ Đà Nẵng pơphun khăm brơi soh sel kơ ƀing čơđai. Amăng hrơi khăm brơi blung a, ƀing ơi ia jrao hơmâo khăm brơi giăm 200 čô čơđai him lăng ruă hơtai boh mơng muai anun lĕ ƀing čơđai juăt pơtuk lok nao lok rai lu wŏt, suă pran hmar, tơda glưh trun rơhyŭp lơ̆m hrĭp suă jua, bơbrah kơsŏ, ruă jơlan suă jua…

Ƀing ơi ia jrao khăm brơi ƀing čơđai

Hăng ƀing čơđai hơmâo arăng breh yơh, amra jak iâu nao khăm glăi dong. Him lăng, truh abih lơ 7/10, ƀing ơi ia jrao amra khăm brơi giăm 3.000 čô čơđao đơ đam tơring čar. Tơdơi kơ khăm brơi hăng hmư̆ ơi ia jrao črâo brơi bruă breh, ƀing čơđai amra djru brơi prăk kak tui tơlơi pơkă. Anai lĕ sa amăng hơdôm bruă mă rĭm thun mơng gơnong bruă mă, tơhan rơka hăng mơnuih mơnam tơring čar Gia Lai kiăng kơ đing nao gum djru brơi ƀing čơđai ruă hơtai boh mơng muai.

VOV Tây Nguyên/Siu Đoan: Pơblang