VOV4.Jarai-Amăng sa blan rơgao, klin duam đung drah amăng tơring čar Gia Lai ƀă hyu tơnap tap biă mă mrô mơnuih ƀă lu hmar. Tui hăng sang bruă sem lăng tơlơi duam ruă tơring čar Gia Lai, mrô mơnuih ƀă duam đung drah truh ră anai truh kơ 2.821 čô, amăng anun 1 čô djai laih. Klin duam đung drah hơmâo ƀơi 131/220 boh să, phường, tơring kual djop tơring glông, plơi prong, plơi  prong phun.

Gia Lai mơnuih ƀôn sang gir rơmet rơgoh anih dŏ jum dar anăm hơmâo anih keč dŏ hăng mơboh

Gơnong bruă ia jrao tơring čar Gia Lai brơi thâo, klin duam đung drah amra tơnap tap đôč pơ anăp anai, sit năng ai amăng mơkrah blan 8 anai ƀudah amăng blan 9 pơ anăp. Yua kơ anun, khom pơrai anih keč brung duiw mơboh hăng dŏ ƀơi anih djrưh ia lok laih anun pơdjai abih ană keč lĕ bruă ngă mơ̆ng djop sang anŏ mơnuih ƀôn sang ngă tui re se amăng bruă pơhlôm, pơgang duam đung drah.

Nay Jek: Pơblang