Mơnuih djai phrâo anai lĕ Siu K thun tơkeng 1991, dŏ pơ plơi Phăm Kleo Ngol, să Bar Maih, tơring glông Čư̆ Sê. Tui hăng tơlơi ruai glăi mơ̆ng mơnuih amăng sang anŏ, sui mơ̆ng anai 1 blan, Siu K nao mă bruă mơ̆ng plơi Phăm Klah, să Bar Maih glăi pơ sang ñu pô hơmâo sa drơi asâo arăng phai lui pơ rơngiao kĕ ƀơi gret tơkai, tơma dơlăm, ƀlĕ drah. Arăng ba ñu nao ñu pơ sang ia jrao, mơnuih ƀôn sang ngă pô ƀơi să Bơ Ngong, tơring glông Čư̆ Sê pơjrao laih anun tlâ̆o mơ̆n sa arăt ia jrao aka ƀu thâo djuai ia jrao hơgĕt ôh.

Giong anun, arăng lăi brơi ñu nao tlâ̆o ia jrao pơgang asâo yang ngă djơ̆ tuai kĕ pơ sang ia jrao prong samơ̆ ñu ƀu nao ôh. Truh mơguah lơ 10/12, sang anŏ gơñu ba nao pơ sang ia jrao prong pơjrao ječ ameč yua kơ ruă kraih laih ƀơi sang ia jrao prong tơring čar laih anun ƀing ơi ia jrao lăi ñu grŭn tơtư̆ laih kman djơ̆ tuai ngă. Lơ 11/12, Siu K pô ruă anun djai pơ sang anŏ gơñu pô.