VOV4.Jarai - Lơ 26/4, tơring čar Gia Lai pok pơhai tlâ̆o vaccine pơgang Covid-19 tal 1 kơ 39.400 čô čơđai mơng 5 truh yŭ kơ 12 thun. Tui hăng anom bruă pơgang tơlơi duam ruă Gia Lai, hơdră tlâ̆o mơng tal anai lĕ tlâ̆o tañ, pơhlôm tŭ yua hăng rơnuk rơnua hloh kơ ƀing čơđai. Yua hnun, hơdôm boh tơring jak iâu mơnuih mă bruă ia jrao, măi mok dram gơnam đah mơng djru brơi bruă tlâ̆o; hơdôm sang ia jrao, sang hră hơmâo ngă anih tlâ̆o pơgang. Tơdơi kơ plơi prong Pleiku, mơng lơ 28/4 truh hlâo kơ lơ 8/5, bruă tlâ̆o vaccine pơgang Covid-19 kơ ƀing čơđai mơng 5 truh yŭ kơ 12 thun, amra hơmâo pơphun ƀơi 4 boh tơring glông pơkŏn anun lĕ tơring glông Čư̆ Sê, Đăk Đoa, plơi prong Ayunpa, hăng plơi prong An Khê.

Siu H’Mai: Pơblang