VOV4.Jarai - Amăng rơbêh 1 blan giăm anai, Sang ia jrao pơjrao čơđai tơring čar Gia Lai tŭ mă pơjrao brơi rơbêh 800 čô čơđai ƀă tơlơi ruă tui jơlan suă jua, giăm 1/3 mrô mơnuih ruă kă dong mơng akŏ thun truh ră anai. Ƀơi Khua Nội tổng hợp - Y học cổ truyền (Sang ia jrao pơjrao čơđai tơring čar Gia Lai) hơmâo 163 boh sưng. Samơ̆, truh ră anai anom bruă anai hơmâo pơjrao brơi rơbêh 200 čô čơđai ƀă tơlơi ruă bơdjơ̆ nao jơlan suă jua anun lĕ: duam hơdrăp, kơdol mơdung, ruă rơkông đok, ruă amăng kơsŏ, hơtai boh… lu čơđai ruă pơ gŭ 5 thun.

Ơi ia jrao Sang ia jrao pơjrao čơđai Gia Lai glăk khăm brơi ƀing čơđai ƀă tơlơi ruă tui jơlan suă jua

Ơi ia jrao Từ Thị Mai Linh, Kơ-iăng Khua sang ia jrao pơjrao čơđai tơring čar Gia Lai brơi thâo: Bơyan anai ayuh hyiăng pơ-iă hơjăn ƀu hơđong, ngă gêh gal brơi virus lar hyu. Gah sang ia jrao hơmâo prap lui mơnuih mă bruă, sung đih brơi ƀing čơđai hăng pơjrao brơi hmao tlôn hăng tŭ yua hloh. Laih dong prap lui ia jrao, gơnam măi mok bơdjơ̆ nao kiăng pơjrao brơi ƀing čơđai ruă kă.

Siu Đoan: Pơblang