Gia Lai:Duam đung drah ăt tơnap, ngă 1 čô mơnuih djai
Thứ ba, 09:50, 19/09/2023
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Tui hăng anom bruă pel ĕp tơlơi duam ruă tơring čar Gia Lai, mơ̆ng akŏ thun truh ră anai, đơ đam tơring čar hơmâo čih pioh 3.160 čô mơnuih duam đung drah, amăng anun 1 čô mơnuih djai.
Pô djai duam đung drah lĕ đah kơmơi thun tơkeng 1981 dŏ pơ plơi Hòa Bình, să Bàu Cạn, tơring glông Čư̆ Prong, tơring čar Gia Lai. Mơnuih djai yua duam đung drah anai, arăng lăi ƀă kman duam đung drah Dengue kraih, pơdjơ̆ nao lu pran hơtai amăng lăm. Anom bruă pel ĕp tơlơi duam ruă tơring čar Gia Lai hơmâo mă drah mơnuih duam ba pơčrang tong ten.
Boh tơhnal hơmâo kman virus Dengue I. Anom bruă ia jrao tơring glông Čư̆ Prong hăng să Bàu Cạn ngă hrŏm anom bruă gah ia jrao brơi pruih ia jrao pơdjai kman keč brung dlông tơkai ƀơi plơi Hòa Bình laih anun pok pơhai lu bruă mă pơhlôm pơgang tơlơi duam đung drah djơ̆ hăng tơlơi phiăn pơkă.
Viết bình luận