VOV4.Jarai - Lơ 13/7, grup hyu mă bruă mơng Ding jum ia jrao yua ơi Bùi Khánh Toàn, Kơ-iăng Khua anom bruă wai pơgang klin kman kual Dap kơdư ba jơlan hlâo nao pel ĕp kơ bruă pơgang duam đung drah ƀơi Dak Lak. grup hơmâo nao pel ĕp tơl anih bruă pơgang duam đung drah ƀơi tơring glông Lak- anih glăk lar hyu kơtang duam đung drah amăng tơring čar hăng pel ĕp bruă pơjrao brơi mơnuih duam đung drah ƀơi Sang ia jrao prong kual Dap kơdư.

Ding jum ia jrao nao pel ĕp bruă pơgang duam đung drah ƀơi Lak

Tui ơi Bùi Khánh Toàn ră anai duam đung drah amăng tơring čar Dak Lak glăk ngă tơnap tap, amuñ lar hyu kơtang pơ anăp anai, yua anun, rơngiao kơ bruă pơtô pơblang kiăng mơnuih ƀon sang ngă tui hơdră pơgang, bruă pơjrao mơnuih duam đung drah lĕ yôm hloh. Truh ră anai, tơring čar Dak Lak hwomâo giăm 1.300 čô mơnuih duam đung drah, hăng 76 anih ƀuh kman, đĭ 4 wŏt pơhmu hăng thun hlâo. Duam đung drah ƀuh ƀơi abih bang 15/15 boh tơring glông, plơi prong amăng tơring čar.

Siu Đoan: Pơblang