VOV4.Jarai - Tơlơi pôr pơthâo mơng Anom bruă wai pơgang tơlơi duam ruă ƀon prong Hà Nội brơi thâo, lơ 20/2, ƀơi ƀon prong čih pioh hơmâo 5102 čô mơnuih ƀă kman SARS-CoV-2, amăng anun hơmâo 1518 čô mơnuih ƀă amăng plơi pla. Jơnum min mơnuih ƀon sang ƀon prong Hà Nội jao kơ Jơnum min mơnuih ƀon sang hơdôm boh kuâ̆n, tơring glông, plơi prong git gai hơdôm boh să, phường, tơring kual gơgrong ngă bruă sem lăng, čih anăn hơdôm boh sang anŏ hơmâo mơnuih amuñ ƀă klin hloh. Anun lĕ ƀing hơmâo tơlơi ruă hơđăp, mơnuih mơng 65 thun, ƀing đah kơmơi glăk pi, mơnuih aka ƀu tlâ̆o vaccine pơgang Covid-19 mơng 18 thun truh kơ ƀing tha. Hơdôm kual plơi pla kiăo tui mrô mơnuih amuñ ƀă klin pơčrông sai, prăp lui mrô măi pơčrang kman hmar, git gai hơdôm anom bruă bơdjơ̆ nao blơi măi test hmar pioh pơčrang brơi abih bang.

Siu H’Mai: Pơblang